هاوڕێ توانا

تێكۆشانی ژنانە

2/5/2018 2:30:00 PM

هاوڕێ توانا مێرگەسەری 

ئیدی چیدی نەڵێین ژنان هاوشانی پیاو، چونكە ئەمە لە ماناو مەغزدا تەعبیرێكی لەجێ نیەو سەر بەو فەرهەنگ مێنتاڵیەتیە رەگەزگەرایەیە. كە مێینەبون لە دوای نێرینەبونەوە دێت و گەرەكیەتی كە ئەمیان دوای ئەو یان گۆ بكات !
نا بەڵكو فەڕزە لەمەودوا بڵێین 
پیاوان هاوشانی ژنان .
ئاخر بنۆڕن كە پیاوانی یەپەگە. هاوشانی ژنانی یەپەژە. لە رۆژئاڤا قارەمانیەتی وایان نواندوە كە سەر بەرزییە بۆ حەوت پشتی نەتەوەی كورد شانازیشە بۆ مرۆڤایەتی كە چەند دەیەیەكە خەریكە كۆنەپەرست و زوڵم و زۆری رژێمە تاكڕەو دیكتاتۆرەكان تەنانەت زلهێزەكان بڕستی لـێ‌ دەبڕن، تێكۆشانی پڕجۆش و خرۆشی ژنانە ئاوایە لە رۆژئاڤا سەرەتا زهنیەتی نێر سالاری كە زادەی قۆناغی پۆست نیولۆتیكە تێك دەشكێنرێت و ئەو بڕوا چەوتەش بە تەجروبەو تێستی تێكۆشانی (نیوەی كۆمەڵ) بەتاڵدەكرێتەوە كە پێیانوابو ژن سێ‌ بەشی كۆمەڵیش بێت. ناتوانێت رەوتی تێكوشان و ئازدیخوازانەی هەم خۆی و هەمیش كۆمەڵ بەرەوپێش بەرێت ! 
هەڵبەت كۆدی لێگەڕین لەم تێكۆشانەی ژنانی یەپەژەو پەكەكە زۆر رونە ئەوان دەرچوی ئەو زانكۆیەن كە وانەو فەلسفەی ژنۆلۆژی رێبەر ئاپۆیان پێ‌ خەتمكراوەو باش دەزانن كە دەبێت لەكوێ‌ بونی رەسەنیان بسەلمێنن. (ئاڤێستا خابور) كاتێك بەوپەڕی شەهامەتەوە خۆی بە تانكی جەندرمەدا دەكات بەوپەڕی ئیرادەی هۆشیارانە هەیبەت و غروری دوژمن دەشكێنێت. 
(بارین)ی كۆبانێش تاكو گیان دەبەخشێت بەرگری دەكات و كرێگەرتەكانی سوڵتانیش بە حەیایی رژاویان و دەستنوێژی شكاوی مرۆڤایەتیان بە بەرچاوی دنیاوە جستەی پاكی دەشێونن!
بەڵام چەندە دڕندەبن چەند دڵ ساردو ترسنۆكانە تەرمی پیرۆزیان بشێوێنن هەرگیز ناتوانن پەیامی تێكۆشانی ئازدیخوازانەی یەپەژەو یەپەگە بشێونن. 
بەڵـێ‌ ئەوان ئێستا بە كۆو وەك كۆرس ئەم دو وشەیە. 
دەیڵێنەوە یان (عەفرین یان ئەمرین) بەڵـێ‌ ئیرادەی ژنانەیە پارێزگاریی لەخاك و خەڵك و بەها مرۆییەكان دەكات. لێناگەڕێت دەوڵەتی فاشیستی توركیاو چەتە سەلەفی خەڵەفاوەكانی بەناو بەر هەڵستكاری سوریا ئەزمونی رۆژئاڤا لە باربەرن جا ئێستا بزانن عەفرین و كانتۆنەكان چۆ ژنانە دەپارێزرێت.


ڕاپرسی

پێت وایە بەغدادو هەرێم دەگەنە رێككەوتن‌و كێشە سیاسی‌و ئابورییەكان چارەسەر دەكەن؟

دەنگ بدە