لەتیف حسێن

بۆچی یەكێتی هەر یەكێتییە؟

1/12/2018 7:57:00 PM

سەدان و هەزارانكادری وەك ئێمە تائێستاش بە هەموو ئەو قسەوقسەڵۆك و حەملە قورسە فرە چەشن و لایەنەی لەسەر یەكێتی هەن، بە بیانو و پاساوی جیاجیا، ئەگەرچی هەندێكی كەم لەوپاساوانە لەواقیعەوە بەتایبەت لەبواری دەسەڵات و كەموكوڕییەكانی یەكێتییەوە، لەماوەكانی رابردوو راستیان تێدا بێت، بەڵام ئەبێت وریا بین لەوەی كە هەموو كات، تای هەڵبژاردن و فووی گەورەو قەبەی دروستكراوی زۆرێك، هەمیشە ویستویانە بە باڵای كەڵەگەتی یەكێتیدا، باڵای بچووكیان شتێك فووی تێ بچێت، سەرباری هەموو ئەمانە هێشتا ئێمە ئەوە دووپات دەكەینەوە كە نە تێكمان داوەو نە بەشداریش بووین لەهیچ یەكێك لەو ناشرینیانەی باس دەكرێن و هەن، تا بچین لە شوێنی ترو بەناوی ترەوە هەوڵی چاككردن و خۆ پاككردنەوە بدەین، بۆیە دەمێنینەوەو  یەكێتی دەبین، ئەمشارەو كوردستانیش ببێتە پەلكە زێڕینە، ئێمە دەتوانین قبوڵیشی بكەین و سیاسەت و كێبەركێشیان بكەین ..

یەكێتی كەسی فێرنەكردووە میلەتەكەی بچەوسێنێتەوە، بەڵكو ئەوە هەندێك لە كەسەكانن كە بەناوی سیاسەت و حزبایەتییەوە بەنەفەسی بازرگانی و چاوچنۆكی لەپەناو پەسێری یەكێتییەوە خۆی لەحزبەكەی پێ‌ گرنگترەو هەرچی ویستووە كردویەتی و بردویەتی و هێشتا پێی نەنگییە لە قۆناغە جیاجیاكانی سەخی یەكێتیدا خۆی بەخەتابار بزانێ، بەڵكو هەمیشە بۆ خستنەڕووی خراپەكان ناوی یەكێتییەو بۆ باشەكانیش تەنها خۆیەتی ..

ئێمە فێرنەكراوین یەكێتی بونمان بشارینەوە، بەڵكو فێركراوین دان بەهەڵەو شكستەكانماندا بنێین، بۆ ئەوەی ئایندە بە روونی ببینین، بەرنامە بۆ هەستانەوەو ئامانجی روون دابڕێژینەوە، نەك زنوقمان لە نەیارەكان بچێت و خەوی قوتدانی یەكێتی رامان چڵەكێنێ، بەڵكو راچڵەكاندنی ئێمە تەنها ئەو كاتانە دەبێت، كە حزبەكەمان دەكەوێتە بەر پەلاماری دروشمە قەبەكانی پێش بانگەشەی هەڵبژاردن ..

ئێمە ئێستا‌ دەست پێدەكەین ..

ئێوەش تا یەكێتی هەموو شتێكی هەبوو یەكێتی بوون و هەرچیتان دەستكەوت بردتان و وەرتانگرت، كەچی ئێستا پێتان نەنگییە یەكێتی بن و بەرگری لێ بكەن، ئێمە دەمێنینەوەو ئێستاش پێمانوایە ئەگەر یەكێتی نەبێت هیچ یەكێك لەوانە هیچ نەبوون، كە ئێستا بانگەشەی كۆتایی یەكێتی دەكەن، خۆ بیریان نەچووە مام دەیوت ئەگەر یەكێتی نەبوایە رەنگە من تەنها پارێزەرێك بومایە، ئێوە بڕۆن ئێمەش دەست بە رێبازی شەهیدانەوە دەگرین و بەردەوامین، هێشتا ئێمە لەسەرەتاداین، ئێمە دژیایەتی نەیارانی حزبەكەمان لەوەدا دەبینینەوە كە دەست بە خۆرێكخستنەوەو پاكسازی و چاكسازی تەواوەتی بكەین و یەكێتیمان لە هەموو كەسێك پێ گەورەترو گرنگتر بێت، لەبەر هەموو ئەمانەیە كە یەكێتی هەر یەكێتییە نەك شتی تر ..


ڕاپرسی

پێت وایە بەغدادو هەرێم دەگەنە رێككەوتن‌و كێشە سیاسی‌و ئابورییەكان چارەسەر دەكەن؟

دەنگ بدە