بۆمبێکی چێنراو لە قەرەتەپە تەقییەوەو هاوڵاتییەک برینداربوو

پێش 2 هەفتە

به‌هۆی‌ ته‌قینه‌وه‌ی‌ بۆمبێكی‌ چێنراو له‌سنوری‌ ناحیه‌ی‌ قه‌ره‌ته‌په‌، ئه‌مڕۆ هاوڵاتییه‌ك بریندار بوو.

محەمەد عومەر، بەرپرسی كۆمیتەی یەكێتی لەقەرەتەپە،  ڕایگەیاند، بەیانی ئەمرۆ لە نزیك گوندی تەپەی سەر بە ناحیەی قەرەتەپە، بۆمبێكی چێندراو بەئۆتۆمبیلی هاوڵاتییەك بەناوی (حەبیب قادر) تەقییەوە و بەهۆیەوە بە سەختی برینداربوو، بۆ وه‌رگرتنی‌ چاره‌سه‌ر ڕەوانەی سلێمانی كراوە. 

وتیشی، ئەو هاوڵاتیيە بەیانی ئەمرۆ له‌ گوندی نارێن-ه‌وه‌، بۆ ناحیەی قەرەتەپە هاتووەو بۆمبەكەی پێدا تەقیوەتەوە. 

ئەمە لە کاتێکدایە، درەنگانی شەوی ڕابردوو، چه‌كدارانی‌ داعش  لە نزیك گوندی جومێلەی سەر بە ناحیەی قەرەتەپە دوو تاوەری كارەبایان تەقاندنەوە كە لەخانەقینەوە كارەبای نیشتیمانی بۆ ناوچەكە دەگوازێتەوە.

ڕاپرسی

پێت وایە لایەنەكان دەگەنە رێككەوتن بۆ چارەسەركردنی كێشەكانی باشوری كوردستان؟

دەنگ بدە