بەپەلە

پەیامی هاوبەشی هەردوو مەڵبەندی سلێمانی‌و چەمچەماڵی یەكێتی

14/04/2018

لە پەیامێكی هاوبەشدا بۆ سەرجەم ئەندام ولایەنگرانی یەكێتی و خەڵكی بەشەرەفی كوردستان هەردوو مەڵبەندی ڕێكخستنی سلێمانی و چەمچەماڵی یەكێتیی نیشتمانیی كوردستان، رایدەگەیەنن، یەكێتی بانگەشەیەكی دور لە توندوتیژی و شكاندنی بەرامبەر بەرێدەكات.

دەقی پەیامەكەیە:

پەیامی هەردوو مەڵبەندی ڕێكخستنی سلێمانی و چەمچەماڵی یەكێتیی نیشتمانیی كوردستان كەس وكاری سەربەرزو ڕووسوری شەهیدان و شەهیدانی ئەنفال تێكۆشەری پیاوان و ژنان و كوڕان و كچانی نیشتمان پەروەری گەلی كوردستانجەماوەری دیموكراسخوازو شارستانیانی سەوز دۆست و لایەنگران وئەندامانی بەئەمەكی (ی.ن.ك).

 بانگەشەكارانی بەهیمەت و خەمخۆر بۆ سەرخستنی لیستی (162)، بە سڵاوێكی گەرمەوەو بەبۆنەی دەستپێكردنی وادەی بانگەشەی هەڵبژاردنی ئەنجومەنی نوێنەرانی عیراق، پیرۆزبایی ئاڕاستەی تەواوی خەڵكی كوردستان بەگشتی و بەتایبەت جەماوەری هەردوشاری شاری شارانی هەڵمەت و قوربانی، شاری شەهید پەروەرو پایتەختی ڕۆشنبیری سلێمانی و چەمچەماڵی پایتەختی شەهیدان دەكەم، داواكارم لەسەرجەم بانگەشەكارانی دیموكراسخواز بەتایبەت ئەندام وجەماوەری سەوزی یەكێتی، دەنگدەرو ئارەزوخوازانی سەركەوتنی لیستی شەهیدان، لیستی ڕەونشاد مامی گەورەی گەلی كورد مام جەلال، لەخەباتی نوێی شارستانیانەی وادەی بانگەشەی هەڵبژاردندا لەپێناو بەرچاوڕونی و گەیاندنی پەیام و بەرنامەی كاری سیاسی وخزمەتگوزاری لیستی (162) بۆ بەدەستهێنان و داكۆكیكردن لەمافە بەدەستنە هاتووەكانی گەلەكەمان، ڕاستگۆیی بكەنە پەیام و دروشمی هەڵمەتی بانگەشەكانتان و دورلە پەیڕەوكردن وپەنابردن بۆ دیاردەی دزێوی توندو تیژی و بەلەبەرچاوگرتنی بەها بەرزەكانی داب ونەریتە ڕەسەنەكان و عورفە كۆمەڵایەتی یەباوەكانی كوردەواری، ڕێزلە ڕاوبۆچون و بەرنامەی قەوارە سیاسی یەكانی بەرامبەر بگرن، هەروەك لەساتە پڕجۆش وخرۆشەكانتاندا ڕەچاوی باری سەقامگیری ئاسایش وئارامی و خۆشگوزەرانی خەڵك بەشێوەیەكی گشتی بكەن، وێڕای پابەندبوون بەڕێنماییەكانی كۆمسیۆنی باڵای هەڵبژاردنەكان ، داواتان لێدەكەم پابەندی تەواوی یاساو ڕێنماییەكانی هێزەكانی ناوخۆو پۆلیسی هاتوچۆو دەزگاكانی ئاسایش بن، هەروەك لەپێناو ڕاگرتن و هێشتنەوەی سیمای جوان وشارستانی شاروشارۆچكەو جێگا گشتی یەكاندا، هاوكاری دەزگا حكومی یە خزمەتگوزارییەكان بن و وێنەی كاندید وتابلۆ وئاڵاو نیشانەكانی تایبەت بە لیستی (162) بەسەر دیوارو تابلۆی شوێنەگشتی یەكانی حەوانەوەو تاوەری كارەبا ، بەتایبەت هەرچی پەیوەستە بەتابلۆو ڕێنماییەكانی دەزگا خزمەتگوزارییەكانی شارەوانی وتەندروستی وپۆلیسی هاتوچۆ هەڵنەواسن ، بۆ فەراهەمكردنی ژینگەیەكی خاوێن ولەبارو تەندروست، بەلەبەرچاوگرتنی نزیكبونەوەی تاقیكردنەوەكانی خوێندكارانی ئازیزمان بەبڵندگۆی وەڕس ئامێز هاووڵاتیان هەراسان نەكەن و ئەهلی كەسەبە لەسەر شەقام وڕێگا گشتییەكان ونێوسەنتەری شارەكان وبازاڕوگوزەرەكان بێزارنەكەن ، داواش لەسەرجەم كارمەندانی هێزەكانی ئاسایش وناوخۆو هاتوچۆ دەكەم بۆ پارێزگاری كردن لەكاتی ئاهەنگ گێڕانی سەرجەم قەوارە سیاسی و كاندیدەكان ، لەبەڕێوەبردنی ئەركەكانیاندا بێلایەنی بپارێزن وئاسایش وئارامی بەگشتی بۆ هەموان دەستەبەربكەن ، بە ڕۆحێكی كوردانە ولەپێناو دەرخستنی ڕووی گەشی شارستانی وسەردەمییانەی گەلەكەمان ، بەتایبەت لە بەردەم چاودێران ومیوانانی بیانی ، وادەی دیاریكراوی بانگەشە بەهێمنی ویەكڕیزی ویەكدەنگی بەپاراستن وپتەوكردنی یەكێتی نێو ماڵە گەورەكەی كوردان بەڕێبكەین .

 بەئومێدی سەركەوتنی گەلەكەمان لەم خەباتە شارستانی ودیموكراسیەو بەهێزبوونی پێگەی سیاسی پەرلەمانی لەسەر ئاستی عیراق .
بەهیوای سەركەوتنی لیستی شەهیدان ، لیستی ڕەوانشاد (مام جەلال) ، مامی گەورەی گەلی كورد (162).

شادو سەربەرزو سەركەوتووبن

حاكم قادر حەمەجان
ئەندامی مەكتەبی سیاسی یەكێتی نیشتمانی كوردستان
سەرپەرشتیاری هەر دوو مەڵبەندی ڕێكخستنی سلێمانی‌و  چەمچەماڵ

ڕاپرسی

پێت وایە بەغدادو هەرێم دەگەنە رێككەوتن‌و كێشە سیاسی‌و ئابورییەكان چارەسەر دەكەن؟

دەنگ بدە