سالار مەحمود: ئاشتی هەورامی دەهێنرێتەوە پەرلەمان

7 رۆژ پێش ئێستا

سەرۆكایەتی حكومەت لەبەردەم تاقیكردنەوەدان ئایا رێز لە یاسا و ئیرادەی پەرلەمان دەگرن وئاشتی هەورامی دەهێنرێتە پەرلەمان یاخود هەروەكو رابردوو حكومەت مل نادا بۆ ئیرادەی پەرلەمانی كوردستان .
بەپێی پەیڕەوی ناوخۆی پەرلەمان و بەڕێكاری یاسایی رۆژی 26-11-2017 لەرێگەی سەرۆكایەتی پەرلەمانەوە بە واژۆی 24 پەرلەمانتاری كوردستان داوا كراوە وەزیری سامانە سروشتییەكان لەبەردەم پەرلەمان ئامادە بێ بۆ وەڵامدانەوەی پرسیاری پەرلەمان لە ناشەفافیەتی پرۆسەی نەوتی و چارەنوسی گرێبەستەكانی نەوت دەكرێ ئەو وەڵامەش بداتەوە كە لەماوەی 67 رۆژەدا چیكردوە لەو سەردانە فەرمیەیدا كە وەزارەتەكەی رایگەیاندوە لەسەفەری فەرمی بووە.
ئەو پارەیەی پێشوەخت لە فرۆشی نەوت وەرگیراوە لەكام كۆمپانیا وەرگیراوە چی لێهاتوە ؟ گەر سەرفكراوە چۆن؟
250 هەزار بەرمیل نەوتی رۆژانەی هەرێم چۆن وبەكێ وبەچ میكانیزمێك دەفرۆشرێت؟
قەرزی كۆمپانیاكان لەكوێ وچۆن دەدرێتەوە؟
ئەم پرسیارانەو چەندینی تر كە هێشتا لای پەرلەمان وخەڵكی كوردستان نادیارو بێ وەڵامن.
بۆچی وەزارەت لەمانگی ئەیلولی 2016ەوە راپۆرتی مانگانەی لەسەر فرۆش وداهاتی نەوت بڵاونەكردوەتەوە؟
بۆچی هیچ زانیاریك نادەن بە پەرلەمان وبەشاراوەیی ماونەتەوە ؟
ئەگەر وەزیری سامانە سروشتیەكان وڵامی بڕوا هێنەری نەدایەوە ئەوكاتە دەتوانرێت بابەتی متمانە لێوەرگرتنەوەی بخرێتە دەنگدانەوە كە لەراستیدا بەپێی ئەو دیكۆمێنتانەی لەبەردەستی پەرلەمانتارانن وهێشتا بۆ ڕای گشتی وردەكاریەكانی روون نەكراوەتەوە و چاوەروانین بەو دەلیلانە ئاشتی هەورامی شایستەی متمانە لێسەندنەوەیە.

ڕەخنەی چاودێر

فڕین لە ڕێی سینەماوە

ڕاپرسی

پێت وایە لایەنەكان دەگەنە رێككەوتن بۆ چارەسەركردنی كێشەكانی باشوری كوردستان؟

دەنگ بدە